CCXVII.

1349, Juni 23. Kamenz.

Abt Sigehard setzt den Hof, der Weingarten genannt, an Landleute aus.

Nos Rudgerus de Hugowicz iunior, capitaneus Frankinsteynensis ad universorum presentia intuentium notitiam cupimus pervenire, quod venerabilis dominus frater Syghardus abbas mona­sterii Camenczensis in nostri testiumque subscriptorum presentia constitutus, agros seu hereditatem quondam ad curiam dictam vineam dominorum monasterii Camencz pertinentes ab omni tributo ac ducali servitio libere habitos ac possessos per predicti monasterii dominos antefatos de nostra licentia, assensu et favore auctoritateque regia, qua hac pro vice predicto in districtu fungimur, rusticis colendos locavit exponendo sane tamen decernendo, quod pretactorum agrorum seu hereditatis cultores ob sui aliqualiter infecundam sterilitatem non magis quam in uno fertone grossorum Pragensium, cum requisiti vel ammoniti fuerint, pro ducali servitio annuatim perpetuis temporibus servire teneantur; honorabilibus famosis viris: Zacharia de Glogovia, Kiliano et Thammone fratribus, patruis nostris dictis de Hugowicz, Arnoldo Trachen, Petro de Kunczendorf, Henrico de Sittyn cive Wraticzlaviensi, Johanne quoque nostro notario, testibus ad premissa harum, quas sigilli nostri karactere roborari fecimus testimonio litterarum. Datum Camencz in vigilia beati Johannis baptiste precursoris anno domini millesimo trecentesimo quadragesimo nono.

Or. Perg. An einem Pergamentstreifen das S. des Ausstellers.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.